Tēnā koutou katoa

Hurō!  Kua tīmata ngā hararei, ā, he wā pai tēnei hei whakangā, hei pānui pukapuka rānei. Anei te pukapuka i tīpakongia e au mō ngā rangi e kainamu mai nei. Kia āio ngā hararei e kare mā!

Tēnā koutou e te marea

Hei te Rāapa e tū mai nei, e waewae atu ana tō mātou kura ki te kiriata e kiia nei ko Te Kīngi Raiona. E hīkaka ana ngā ākonga o tō mātou kura i te mea koianei te haerenga tuatahi ā-kura i te tau nei, ā, he kiriata reo Māori tēnei.

Kua kite au i ngā kiripuaki e waiata tahi ana ki te pō whakatūwheratanga o te kiriata nei. Kātahi ko te hunga reo tioriori ko tēnei! Heoi anō, he tōmina nāku kia rongo ai ā mātou ākonga ki ngā mita reo o tēnā iwi, o tēnā iwi.

Ko Te Kīngi Raiona kei roto i te whare!

Ko te mātāpuna o te kiriata nei: Walt Disney Pictures

Tēnā koutou katoa

Ko te wiki tuaiwa o te wāhanga tuarua tēnei. Ko te manako ia kia pai te toenga o te wāhanga nei ki a tātou katoa. Hei te mutunga o te wiki tuangahuru, ka tīmata ai ngā hararei mō ngā tamariki. Ko te pātai nui, e aha ana koe i ngēnei hararei?

Hei ngā rangi okioki nei, arā, hei ngā hararei, he ngohe mā tātou katoa hei whakaoti.

Whakaritea tētehi kiriata poto e whakaatu ana i a koe e mahi tahi ana ki tō whānau i ngēnei hararei.  Tukua tō kiriata ki runga i tō ake rangitaki kia kitea te ao katoa!

Kia rawe, kia āio hoki te wiki tuaiwa nei!